Aktualitet

Ka rrëmbyer disa çmime, por zbulohet se gazetari bënte lajme false

Ka rrëmbyer disa çmime, por zbulohet se gazetari bënte lajme

"Der Spiegel” zbuloi sot se një prej gazetarëve të saj, i vlerësuar disa herë me çmime, falsifikonte prej disa vitesh artikujt e tij.

Behet fjale per Claas Relotius, 35 vjeç, i cili u vlerësua në fillim të dhjetorit me çmimin ”Reporteri i Vitit” për një artikull për të rinjtë sirianë, iniciatorë të luftës civile që shpërtheu në 2011.

Të dielën ai dha dorëheqjen nga e përditshmja.

Përballë akuzave të një gazetari tjetër me të cilin ai kishte punuar për një temë në kufirin e Meksikës me SHBA, ai pranoi përfundimisht se kishte sajuar citime dhe skena ku ai nuk kishte qenë kurrë i pranishëm.

Jane të paktën 14 artikuj ishin sajuar, përfshirë një për një shtetas nga Jemeni i cili kaloi 14 vite pa arsye në Guantanamo dhe një tjetër për Colin Kaerpernick, lojtarin e futbollit amerikan i cili u ul në gjunjë gjatë himnit amerikan për të protestuar kundër pabarazive racore, Relotius pretendonte se kishte intervistuar prindërit e tij.

Në artikullin e saj të gjatë për këtë çështje, redaksia e "Spiegel” shprehet e tronditur pas këtyre falsifikimeve në shkallë të gjerë, megjithëse ajo ka si strukturë të saj një shërbim të auditimit të brendshëm për materialet që shkruajnë reporterët.