Intervista e parë e kryeministres pas sulmit në Zelandën e Re: S'ka lidhje emigracioni, por ideologjitë ekstremiste
Rritja e emigracionit nuk ka lidhje me nxitjen e racizmit. Por i gjithë globi duhet të luftojë për të çrrënjosur ideologjitë raciste të ekstremit të djathtë. Këtë tha në një intervistë të parë ekskluzive për BBC, pas ngjarjes së tmerrshme në Zelandën e Re, ku 50 besimtarë myslimanë u vranë dhe 50 të tjerë u lënduan, nga një 28 vjeçar me emrin Brenton Tarrant nga Australia i cili e transmetoi gjithë aktin makabër Live në Facebook.
E pyetur nëse rritja e emigracionit po nxiste racizmin që kalon më pas në vrasje e sulme terroriste, Jacinda Ardern tha jo, duke e hedhur poshtë idenë me këtë argument:
Ai është një qytetar Australian, por kjo nuk do të thotë se ne në Zelandën e Re nuk kemi një ideologji, kjo do të ishte fyerje për shumicën e qytetarëve të vendit tim. Unë kam përgjegjësi për të ‘pastruar’ aty ku ekziston racizmi e të krijoj një mjedis të paqtë e të qetë. Por dua të bëj një thirrje globale. Ajo që Zelanda e Re përjetoi ishte një tmerr nga dikush që u rrit dhe u mësua me ideologjitë e një vendi tjetër. Duhet të sigurohemi të gjithë në gjithë botën që të ketë tolerancë dhe gjithpërfshirje. Ne nuk mund të mendojmë për racizëm edhe kur kalojmë kufijtë.
E pyetur për numrin e refugjatëve në Zelandën e Re dhe rrezikun për sulme të tjera të tilla, Ardern tha: Në jemi një vend mikpritës. Unë e kundërshtoj plotësisht idenë se duhet ndjekur disa politika të veçanta për ata që zgjedhin Zelandën e Re si shtëpi. Ne kemi një mjedis dhe një ideologji ku të gjithë pa dallime mund të bëjnë një jetë të mirë e të qetë. Nuk ka vend në vendin tonë për ideologji dhe racizma./ Për Tiranapost.al E.B