• Shqip
  • English
  • E diel, 25 Gusht 2019
  • Shqip
  • English
  • Horoskop Të gjitha

    Horoskopi javor 15-21 tetor


    Dashi

    Para jush është një javë që do t’ju shkaktojë ankth ose vështirësi në veprimet financiare ose angazhimet monetare që lidhen me një njeri. Marrëdhënia juaj me njerëzit e lindur nën shenjën e Bricjapit, Demit ose Virgjëreshës do të jetë problematike. Ngjarjet specifike këtë javë do t’ju bëjnë të vendosni për të ardhmen e marrëdhënieve të tilla. Gjatë javës ju do të jeni të kënaqur të merrni lajme nga një grua ose një dhuratë nëpërmjet saj. Këtë javë, në përgjithësi, do të keni momentet tuaja unike në të cilat do të keni rastin për gëzim dhe buzëqeshje, veçanërisht kur gjeni një zgjidhje për problemin tuaj të vjetër ose serioz. Ndikimet pozitive ose mbështetëse do të vijnë nga njerëz të lindur nën shenjën e Peshores, Ujorit ose Binjakëve. Gratë mbi 35 vjeç do të kenë mundësinë për të bërë një blerje të rëndësishme për shtëpinë e tyre. Meshkujt mbi moshën 35 vjeç duhet të jenë të kujdesshëm në lidhje me gjithçka që kanë të bëjnë me paratë dhe nëse është e nevojshme, kërkoni këshilla profesionale.

    Demi

    Këtë javë ju do të shpenzoni më shumë para për një fëmijë. Kini kujdes me paratë ose dokumentet financiare për të parandaluar humbjen e tyre. Një zhvillim interesant ose emocional do të përfshijë marrëdhënien tuaj me miqtë. Insistimi juaj me çdo kusht për të realizuar një dëshirë këtë javë mund t’ju vërë në një situatë konflikti me njerëz që do t’ju kundërviheni. Siguroni kontrollin mbi emocionet dhe fjalët tuaja. Shumë prej jush do të gjejnë një mënyrë për të bërë një bisedë të sinqertë me një vajzë apo një grua të re për jetën e saj personale. Do të përpiqeni ta paralajmëroni për problemet ose zhgënjimet e ardhshme.

    Binjakët

    Kjo javë do t’ju habisë me shfaqjen e mundësive të reja profesionale apo të biznesit. Jini të hapur ndaj mundësive të reja të biznesit dhe vendeve të punës. Do t’ju duhet të zgjidhni një çështje që lidhet me dokumentat dhe që do të jetë e rëndësishme për familjen tuaj. Do të jetë e rëndësishme të qëndroni pozitivë dhe të kërkoni zgjidhje diplomatike për pengesat që kanë lindur. Gjate javës, mund të shqetësoheni nga ndonjë lajm i pakëndshëm i një natyre financiare apo lajme në lidhje me dikë që njihni. Në disa raste, një kombinim i të dyjave është i mundur. Kjo javë do të jetë e mirë për të udhëtuar sidomos për meshkujt nëse udhëtimi është i lidhur me punën aktuale ose të ardhshme.

    Gaforrja

    Këtë javë duhet të angazhoheni në problemet financiare. Kujdesi do të kërkohet në të gjitha veprimet tuaja në lidhje me dokumentet financiare dhe ruajtjen e tyre. Java nënkupton një ngjarje të rëndësishme që lidhet me lindjen e një fëmije, me shumë mundësi një vajze. Këtë javë, ngjarje të ndryshme do t’ju provokojnë të ktheheni te gabimet dhe dështimet e kaluara, ndoshta sepse tani do të duhet të mësosh nga përvoja e mëparshme. Në disa raste, ngjarje të ngjashme nga e kaluara juaj do të kenë një vazhdimësi në të tashmen tuaj si pasojë e vendimeve të gabuara për të cilat do të duhet të paguani një çmim të caktuar. Këtë javë, jeta e dashurisë së miqve tuaj do të arrijë kulmin dhe në të shumtën e rasteve do të mbahet mend me një ngjarje të rëndësishme si një fejesë, martesë, lindje, zhvendosje në një shtëpi të re ose në ndonjë qytet tjetër etj.

    Luani

    Do të jeni në gjendje të hiqni dorë nga ndjenjat tuaja negative, të refuzoni gabimet e vjetra ose të filloni një aventurë të re jete: miq të rinj, angazhime të reja profesionale, udhëtime dhe më tepër. Disa prej jush do të vazhdojnë të jenë pesimistë me mendjen tek problemet e përditshme që duhen zgjidhur. Java mund t’i sjellë secilit prej jush një sasi të vogël të parash. Burrat e Luanit do të kenë kontakte dhe veprime të frytshme me njerëz të lindur nën shenjën e Bricjapit, Demit ose Virgjëreshës. Gratë mbi 35 vjeç do të jenë me fat në përpjekjet dhe angazhimet e rëndësishme që lidhen me shtëpinë e tyre.

    Virgjëresha

    Këtë javë do të keni një mënyrë jetese interesante dhe dinamike nëse nuk jeni të izoluar në problemet dhe emocionet tuaja. Java sjell një udhëtim ose takim me miqtë dhe të afërmit nga afër e larg. Gjatë këtyre shtatë ditëve do të jeni në gjendje të realizoni planet tuaja dhe pritshmëritë e rëndësishme që lidhen me një burrë. Gjatë javës, do të përjetoni disa testime në vendin tuaj të punës. Dikush mund t’ju provokojë me forcë për t`ju çuar në një konflikt, ndaj mos iu nënshtroheni këtyre provokimeve. Shëndeti i një personi të afërt do të kërkojë konsulta me një mjek apo kujdes të veçantë. Çështjet gjyqësore apo juridike të një natyre financiare nuk do të mund të përfundojnë këtë javë. Meshkujt mbi 35 vjeç do të gëzohen për përfundimin e suksesshëm të një plani ose angazhimi profesional.

    Peshorja

    Kjo është një javë në të cilën do të kërkohet më shumë vëmendje për punët tuaja financiare. Jini shumë të kujdesshëm me shpenzimet tuaja, me mbrojtjen e kartelave bankare dhe portofolin tuaj personal në një vend publik. Shmangni investimin e parave aty ku nuk duhet. Planet për një udhëtim do të ndryshojnë dhe kjo do t`ju shkaktojë shumë stres. Ka mundësi që të mërziteni nga lajmet e pakëndshme për dikë që jeton ose punon në një qytet tjetër. Do të keni rastin për të festuar suksesin personal të një fëmije. Në shtëpi do të keni harmoni. Do të trishtoheni nga një ngjarje në jetën e një personi të lindur nën shenjën e Peshores, Ujorit ose Binjakëve.

    Akrepi

    Kjo është një javë dashurie dhe java e sqarimit të keqkuptimeve të dashurisë. Mos lejoni ndërhyrje të jashtme në marrëdhënien tuaj nga një burrë apo një fëmijë. Në marrëdhëniet martesore dhe familjare ju do të keni rastin të përjetoni ngjarje dhe lajme të këndshme. Do të habiteni nga lajmet për një fejesë apo një martesë. Suksesi personal i një të afërmi mund të jetë gjithashtu shkaku i trazirave të papritura dhe telefonatave dinamike. Gjatë javës do të keni më shumë kontakte me gratë që mund të jenë të afërmet tuaja, mike, ose fqinjë. Nëpërmjet tyre do të merrni informacion të dobishëm ose ndihmë specifike për rastin tuaj. Do të bëni një telefonatë ose do të merrni një letër nga një njeri që është nga rrethi juaj i miqve ose të njohurve.

    Shigjetari

    Kjo javë do të jetë më e vështirë për ju për shkak të problemeve shëndetësore ose shfaqjes së situatave që nuk do t`i keni nën kontroll. Mos lejoni që emocionet të ngrihen mbi ju, sepse do t`ju shkatërrojnë këtë javë dhe s`do mundeni dot ta përmirësoni. Java do të jetë e suksesshme në përmbushjen e detyrave dhe planeve tuaja profesionale ose të biznesit. Do të ketë zhvillim të mirë dhe angazhime të forta lidhur me një punë të re ose një projekt të ri. Nëse lindin konflikte, zgjidhini ato ose kërkoni një armëpushim. Kompromiset do të jenë baza për suksesin tuaj të ardhshëm. Do të keni kontakte me njerëz të lindur nën shenjën e Gaforres, Akrepit ose Peshqve, të cilët do t’ju ndihmojnë ose do t’ju japin këshilla të vlefshme. Këtë javë ju mund të bëni blerje për vete ose të investoni para në një investim të rëndësishëm dhe premtues.

    Bricjapi

    Është para një javë në të cilën mund të gëzoheni për një dhuratë ose një blerje. Do të jeni me fat në punën ose biznesin tuaj, gjë që do t’ju sjellë rezultate më të mira ose fitime. Nuk duhet t`i lini detyrat e sotme për nesër. Nesër do t’ju jepen detyra të reja. Jeta juaj e dashurisë do të jetë interesante, me disa përvoja të paharrueshme, veçanërisht nëse keni një partner të lindur nën shenjën e Ujorit, Peshores ose Binjakëve. Gjatë javës të jeni të kujdesshëm me gjërat tuaja personale dhe ruhuni nga vjedhjet, humbjet ose veprime të tjera të ngjashme që nuk do të korrigjohen lehtë ose nuk do të zgjidhen. Një bisedë apo një ngjarje me një djalë apo një të ri do t’ju bëjë të mendoni për veprimet ose vendimet tuaja.

    Ujori

    Këtë javë do t’ju duhet të kaloni kohë të mjaftueshme për të zgjidhur problemet që kanë ndodhur në familjen tuaj, me shumë gjasa të shkaktuara nga të tjerët ose për shkak të tyre. Do të planifikoni disa angazhime të rëndësishme dhe do të arrini t`i përfundoni në mënyrën më të mirë të mundshme. Takimet dhe njohjet me një burrë të lindur nën shenjën e Gaforres, Akrepit ose Peshqve do të kenë diçka që do t`ju lumturojnë. Mund të përjetoni surpriza të këndshme në punën tuaj ose në marrëdhëniet tuaja profesionale. Kjo do të jetë një javë e mirë për trajtim mjekësor, ose për të zgjidhur problemet në marrëdhëniet personale. Jini më aktivë dhe më të ndershëm në bisedat tuaja me të tjerët.

    Peshqit

    Para është një javë në të cilën do të përjetoni një situatë stresuese në lidhje me një vajzë apo një grua të re. Mund të ketë lidhje me një konflikt shumë të pakëndshëm mes jush ose me një ndërhyrje në jetën e saj personale. Kjo javë do të përfshijë një udhëtim për disa prej jush lidhur me një grua. Shmangni shpenzimet e paarsyeshme ose impulsive të parave. Do të jeni të ngazëllyer ose të kënaqur nga lajmet ose dokumentet që do të merrni nga një person i lindur nën shenjën e Shigjetarit, Luanit ose Dashit. Shmangni vendimet e rëndësishme për shtëpinë ose pronën që zotëroni. Ndoshta keni një ide jorealiste ose informacione të paverifikuara që do t’ju përbëjnë probleme më vonë. Kjo do të jetë një javë e pafavorshme për rastet ligjore ose gjyqësore që përfshijnë pronën.

    Ky post u përshtat nga Astro Velida dhe është realizuar nga Fabjola Hije.