Ish-kryeministri britanik libër për jetën: dashuria për shoqen e motrës, zënkat në familje për politikën dhe dhimbja për djalin që vdiq
Ish kryeministri britanik David Cameron ka zbuluar historinë e jetës së tij, dashurinë e martesën me gruan e tij Samantha, si u njohën kur ishin të rinj e deri tek marrëdhënia me Theresa May, në shfaqjen e fundit si kryeministre në Downing Street. Ata u njohën për herë të parë kur Samantha Sheffeild ishte 17 vjeçe dhe u shfaq në një festë familjare të organizuar nga babai i David.
Nëse e pyet sot se a të ka ndryshuar gruaja, ai u referohet miqve që thonë se Samantha me të cilën lidhi kurorë më 1996, e bëri një djalë familjar dhe tradicional. Sidoqoftë përpos dashurisë për njëri tjetrin, çifti shpesh është zënë për shkak të karrierës politike të David dhe mënyrën se si ndikoi në jetën e tyre private.
Këto detaje janë zbuluar në librin për jetën e David Cameron që do botohet së shpejti, ku ndër të tjera tregohet se Samantha ishte shoqe e motrës së tij Clare. David kujton kohën kur pa për herë të parë Samanthën duke pirë duhan ulur në divanin e shtëpisë së tij dhe motrën Clare që e ngacmonte duke i folur për të vëllanë.
Clare
Historia nisi kur Clare Cameron e ftoi shoqen e saj Samantha në një festë familjare në Itali, por e paralajmëroi duke i thënë: Më duket se vëllai im ka rënë në dashuri me ty.
“ Unë ia shpreha vërtet, dhe kaluam një javë shumë të lumtur bashkë në Itali”, tregon Cameron.
Në atë kohë, Samantha ishte studente 21 vjeçe në shkollën e Artit në Bristol, ndërsa David një 25 vjeçar që punonte si këshilltar për kryeministrin e atëhershëm Tory Norman Lamont. “Samanta acarohej kur mediat më kërkonin. Unë isha dhe ambiciozi i partisë Tory, ndërsa ajo kishte karakterin e një studenteje ‘ hipi’ arti'.
David tregon: Shumë prej zënkave mes nesh i kemi pasur në lidhje me politkën. Samantha shqetësohej për mënyrën se si do ndikonte në jetën tonë. Më pyeste shpesh: Ku do jetojmë? Si do jetojmë? Sa i zënë do jesh? Sa shpesh do e shohim njëri tjetrin? Po njerëzit çfarë mendojnë?
Në stresin e rezultatit të referendumit të Brexit, David thotë se filloi cigaren bashkë me Samanthën, që ndonjëherë ehde e ndizte.
Dorëheqja e Cammeron ndodhi para rrëzimit të Theresa May dhe shumë analiztë thonë se u nxitua. Ish kryeministri britanik gjithesi është trguar i kujdesshëm pasi asnjëherë nuk ka pranuar të përgjigjet nëse ka pirë ndonjëherë kokainë. Gjatë zgjedhjeve për udhëheqjen e Tory 2005, kandidatët e tjerë deklaruan publikisht se ata kurrë nuk kishin përdorur drogërat e Klasit A. Por Cameron nuk pranoi të jepte një deklaratë të ngjashme, duke thënë: Kam bërë shumë gjëra para se të hyja në politikë. Sot nuk do i bëja. Të gjithë kemi bërë shumë gjëra".
Në fillim të këtij viti, çështja e përdorimit të drogës shpërtheu në garën e fundit të udhëheqjes së Partisë Tory kur doli se Michael Gove kishte konsumuar kokainë në disa festa 20 vjet më parë. Ky skandal dobësoi fushatën e Gove për udhëheqjen.
Dhimbjen më të madhe në jetë e përjetoi kur djali i tij Ivan ndërroi jetë, pasi vuante nga një çrregullim i rrallë neurologjik: në ato moment bota ndali së rrotulluari. Asgjë në botë, absolutisht asgjë nuk të përgatit se si të përballosh realitetin e humbjes së një fëmije. Edhe Samantha e vuajti shumë.
Ivan u diagnostikua përfundimisht me sindromën Ohtahara - një çrregullim i rrallë neurologjik. Ai ndërroi jetë në vitin 2006.
"Në një botë në të cilën gjërat më kishin ecur gjithmonë ashtu siç doja, papritmas mora goditjen më të madhe në jetë. Por Ivan jeton me ne në zemër, edhe sot". David Cameron sot ka tre fëmijë, është 52 vjeç dhe vazhdon jetën, i lumtur me bashkëshorten e tij, Samantha. / Tiranapost.al. E.B