• Shqip
  • English
  • E hënë, 20 Maj 2019
  • Shqip
  • English
  • Sport Të gjitha

    Guardiola shpallet trajneri i vitit në Ligën Premier


    Pep Guardiola është shpallur zyrtarisht trajneri i vitit në Ligën Premier, pas sezonit impresionues me Manchester Cityn, duke arritur që ta mbrojë titullin.

    Trajneri spanjoll arriti të triumfojë në ligën e Anglisë, pas një gare të nxehtë me Liverpoolin gjatë pjesës më të madhe të sezonit, duke përfunduar me vetëm një pikë diferencë.

    Manchester City nuk e filloi mirë sezonin 2018/19, por që në pjesën e dytë të ndeshje, ata arritën të këndellen, duke i bërë në vazhdimësi presion të kuqve.

    Embedded video

    Citizens fituan 14 ndeshje rresht, duke fituar 51 pikë nga 54 sa janë në total në ndeshjet e luajtura në vitin 2019, gjersa Jurgen Klopp tha se ishte një garë e vështirë nga një City që bënte presion të lartë.

    “Është një nder për mua ta fitojë këtë titull”, ka thënë Guardiola. “Por, meritat shkojnë për të gjithë skuadrën, lojtarët dhe stafin. Faleminderit nga të gjithë ju”, ka shtuar më tej ai.

    Guardiola është bërë trajneri i parë pas Sir Alex Ferguson që e fiton dy herë çmimin radhazi, ndërsa legjenda e Manchester United e bëri të njëjtën gjë në vitin, 2007, 2008 dhe 2009. /XH.K