• Shqip
  • English
  • E diel, 20 Tetor 2019
  • Shqip
  • English
  • Aktualitet Të gjitha

    Gjykata jep vendimin për pedagogun e skandalit me studenten në Elbasan


    Për pedagogun e Universitetit të Elbasanit, Denis Himçi, Gjykata e atij rrethi caktoi 10 ditë burg. Vendimi u mor në mungesë të pedagogut, i cili prej ditës së djeshme ndodhet i shtruar në QSUT, pasi dyshohej për një para-infarkt.

    Organi i akuzës në Elbasan kërkoi të vendosej masa e sigurisë “burg pa afat”, për pedagogun Himçi, i cili i kërkoi favore seksuale një studenteve në këmbim të notës në lëndën e tij.

    Ai ndodhej në paraburgim, kur u shpreh se nuk ndihej mirë dhe u shoqërua për në Spitalin “Nënë Tereza” për të marrë ndihmë mjekësore. Sipas burimeve të “Tiranapost.al”, ai ndodhet jashtë rrezikut për jetën dhe gjendja e tij shëndetësore është e stabilizuar.

    Menjëherë pas publikimit të skandalit nga emisioni “Stop” në 17 shtator, Himçi u shoqërua në polici, ndërsa organi i akuzës mësohet se ka kërkuar “arrest me burg”.

    Në kamerën e fshehtë të regjistruar nga një studente shihej e dëgjohej se, Denis Himçi i premtonte studentes se do ta kalonte në lëndën e tij dhe do të ndërhynte te kolegët për provimet e mbartura. Madje ai i premtonte studentes dhurata të ndryshme nëse do t’i plotësonte dëshirat e tij.

    Një ditë pas transmetimit të pamjeve filmike, Universiteti “Aleksandër Xhuvani” bëri të ditur se masa e pezullimit nga detyra për pedagogun e gjuhës italiane dhe frënge do të jetë në fuqi deri në zbardhjen e plotë të çështjes./ Tiranapost.al

    Përfundon në spital pedagogu që i kërkonte favore seksuale studentes

    Studentja më tha ‘Nuk e vazhdoj më’. Saimir Kodra tregon prapaskenat e kamerës së fshehtë të pedagogut në Elbasan

    Foto-Video/ Pedagogu i kërkon studentes raport intim në këmbim të marrjes së provimeve

    Reklamo biznesin tënd në TIP Na kontakto në [email protected]