Fotoja e kryeministrit Trudeau maskuar si personazh i Aladdinit ka shkaktuar 'tërmet' në Kanada
Personi që shihni me ngjyrë në foton cover është dora vetë kryeministri Kanadez. I përket vitit 2001 ku Justin Trudeau ndodhej në një festë me studentë, pasi në atë kohë punonte si mësues, por qytetarët dhe kundërshtarët politikë e kanë akuzuar për racizëm. Kjo foto ka shkaktuar debat të madh në Kanada dhe duket se fushata e tij për zgjedhjet e përgjithshme ka marrë një goditje të madhe. Fotoja u publikua nga West Point gey Akademia, një shkollë private në British Columbia, ku Trudeau punonte si mësues para se ti futej politikës.
Zëdhënësi i partisë së kryeministrit Kanadez ka reaguar duke sqaruar maskimin e Trudeau: Ai thotë se fotoja është shkrepur në një festë të organizuar nga shkolla, ku tema kryesore ishte për arabët, e ndërsa kryeministri ishte veshur si një personazh nga Aladdin-i.
Kjo foto vetëm sa i shtoi problemet kryeministrit kanadez, i cili ka njoftuar zgjedhjet e parakohshme dhe është përfshirë në fushatë. Mediat para pak ditësh shkruanin se gjatë një udhëtimi në avion në shoqërinë e gazetarëve kishte thënë: Jam i mërzitur shumë me veten, jam i zhgënjyer nga vetja.
Rivali kryesor i 47 vjeçarit Trudeau në zgjedhje është Andrew Scheer. Justin Trudeau është admiruar nga liberalët në gjithë botën për politikat e tij përparuese në epokën e Trump, me një Kanada që pranon gjithnjë e më shumë emigrantë.
Zgjedhjet e parakohshme u njoftuan për shkak të një skandali, që konsiderohet më i madhi në politikën kanadeze. Ish prokurori i Përgjithshëm deklaroi se kryeministri i kishte bërë presion për ti dhënë fund një çështje, për ndjekjen penale të një kompanie në Quebec./ Tiranapost.al E.B