Foto/ Rrëzohet aeroplani në Suedi, ndërrojnë jetë të gjithë personat në bord
E Hënë 15 Korrik 2019, 08:12
TiranaPost
Një ngjarje e rëndë ka ndodhur në Suedi, një aeroplan i vogël me disa parashutistë u rrëzua pak minuta pas ngritjes duke shkaktuar vdekjen e të gjithë personave në bord, nëntë.
Mediat suedeze shkruajnë se aksidenti ndodhi në ishullin Storsandskar, dhe sipas dëshmitarëve, disa persona të cilët kishin vendosur parashutën u përpoqën të hidheshin gjatë kohës që aeroplani po ulej me shpejtësi.
Ende nuk dihet se kush ka qenë shkaku i rrëzimit të avionit, por fatkeqësisht zëdhënësja e komunës së Vasterbotit Gabriella Bandling konfirmoi të gjithë personat në bord kanë ndërruar jetë. Kryeministri suedez Stefan Lofven shprehu ngushëllimet për familjarët me një deklaratë për mediat. Kliko këtu për videon/ Tiranapost.al. E.B