• Shqip
  • English
  • E diel, 18 Gusht 2019
  • Shqip
  • English
  • Lifestyle Të gjitha

    Fituesi i “Sanremo”-s nxit polemika në internet, reagon edhe ministri italian: Kjo është kënga më e bukur?


    Italia do të përfaqësohet këtë vit në “Eurovizion” nga një këngëtar me origjinë egjiptiane. 27- vjeçari Alessandro Mahmoud fitoi festivalin ikonë të muzikës italiane “Sanremo”-s, me këngën “Soldi”.

    Menjëherë pas fitores së tij, në internet shpërthyen polemikat veçanërisht për faktin se një pjesë e këngës është në gjuhën arabe.

    Ndër të parët që reaguan ishte dhe ministri i Brendshëm, Matteo Salvini, i cili shkroi në “Tëitter”:

    “Kënga italiane më e bukur?!? Unë do të zgjidhja ‘Ultimo’, ju çfarë thoni??”.

    Artisti Ultimo që performonte “I tuoi particolari” ishte një ndër pretendentët për çmimin e parë dhe mori 50% të votave nga publiku. Pavarësisht kësaj, juria vlerësoi këngëtarin Alessandro Mahmoud, ndërsa artisti Ultimo shprehu nervozizmin e tij për vendimin gjatë konferencës për mediat./ Tiranapost.al