Filmi Contagion i 2011-ës parashikoi shpërthimin e virusit vdekjeprurës në Kinë
Fansat apo ata që e kanë parë filmin e famshëm Contagion në vitin 2011 thonë se mund të jetë parashikimi i mallkuar i shpërthimit të virusit vdekjeprurës të koronavirusit, që ka alarmuar njerëzit në mbarë botën. Fillimisht shpërtheu në Kinë, në Wuhan, ku janë raportuar 26 viktima e më pas në shtete të ndryshme, për shkak të lëvizjeve të kinezëve.
Në filmin Contagion luajnë aktorë të famshëm si Gwyneth Paltrow dhe Matt Damon dhe flet për një virus të mistershëm që vret miliona njerëz në gjithë botën, e një qendër për kontrollin dhe parandalimin e sëmundjeve përpiqet më kot të ndalojë përhapjen.
Në film tregohet si virusi u transmetua nga një derr tek një kuzhinier i cili më pas bie në kontakt me personazhin Paltrow. Fansat thonë se ky film mund të jetë një profeci mbi atë që po ndodh realisht.
Shkencëtarët ende nuk kanë specifikuar llojin e coronavirusit dhe nuk ka dalë as ndonjë vaksinë për mbrojtje./ Tiranapost.al.
http://www.tiranapost.al/coronavirus-ve-ne-levizje-laboratoret-dhe-ekspertet-europiane-rrezik-perhapje-nga-miliona-kineze-qe-udhetojne-per-vitin-e-ri/
http://www.tiranapost.al/virusi-vdekjeprures-nga-kina-shqiperia-merr-masa/