Aktualitet

“Femrat” e Sali Berishës dhe standardi amoral!

“Femrat” e Sali Berishës dhe standardi amoral!

Dje Sali Berisha sulmoi barabarisht dy femra. Ishte dita kur ai të gjithë arsenalin toksik e shpërndau për të helmuar oponionin publik ndaj dy nënave me fëmijë dhe familje. Dje Berisha aludoi: “cherchez la femme”

E para ishte video e Majlinda Bregut me komisionerin Knut fleckenstein

Video që sipas Berishës është flirtuese u shpërnda si virus në gjithë profilet e demokratve në facebook.

Unë me Majlinda Bregun s’jam takuar kurrë dhe s’kam ndonjë konsideratë pë atë, pasi dihet publikisht që ajo më ka sulmuar në çdo intervistë dhe dabat televiziv. Të dy kemi pasur një armiqësi në distancë. Gjithsesii dje kur pash videon dhe përqafimet e Kunt fleckenstein nuk di seç mu kujtua që ajo pamje ishte krejt e ngjashme përqafimet që Berisha i ka bërë vetë Majlinda Bregut, Çiljeta Çilagës, Rajmonda Bulkut, Vjollca Vokshit, Laura Vorpsit, Greta Koçit dhe shumë bukurosheve apo femrave të famshme që i afronte në politikë!

Shikoni me kujdes fotot e tij dhe nuk ndryshojnë aspak nga këto të komisionerit Kunt Fleckenstein. Me logjikën provinciale dhe djallzore të Berishës, kur të shtrëngon ai, të ka përqafuar partia, por kur të përqafojnë të tjerët ti je duke flirtuar dhe je lavire.

Sulmi i dytë i Berishës ishte kundër Rudina Hajdarit.

Dje Berisha doli sikurse Zoti i naltmadhnueshëm dhe kërcënoi se Rudina do kishte fatin e Mylsym Murizit.

Aq në delir ka mbëritur pas 28 vitesh pushtet, sa ky njeri ka bindjen se ka fatin e jetës së çdo kujt në dorë. Me këtë logjikë dje ashtu siç përjashtoi dy herë Azem Hajdarin nga partia në 1993 dhe 1996, po ashtu po flak rrugve edhe të bijën e heroit të demokracisë.

3 muaj më parë kur Rudina kërkoi të grisë mandatin e deputetes ai dhe gjithë partia ju turrën në rrjete sociale ta denigronin, sot që ata e djegin vetë mandatet po u duket vetja si heronj.

Rudina Hajdari nuk mori një mandat dhuratë si vajza e Azemit por u rikthye në Shqipëri si një investim amrikan me refwnrenc nga kongresi dhe personalitetet e Washingtonit.

As armikja ime Majlinda dhe as mikja ime e familjes Rudina s’kanë aspak nevojë për avokatinë time.

Por dje Berisha përdori sarkazmën e tij me një shprehje franceze duke thënë: “Sebepi i sherrit është femra” (cherchez la femme)

Me këtë logjikē Washingtoni, BE, KE, OSBE, PE dhe dhjetra ambasada apo organizata janë manipuluar nga flirti i Majlindës. Dmth Majlinda e ka lëshuar pa duar me çdo ambasador vetëm që ti prishi imazhin Shqipërisë dhe partisë.

Por le të pranojmë një moment përrallën e flirtit si të vërtetë.

Po mirë o Sali Berisha, kjo Majlinda ishte Minstria jote 8 vjet apo e të tjerve?

Deri dje u krenoje me Majlindën në Nato, me Majlindën në BE, me Majlindën pa viza, me Majlindēn çdo të enjte te Fevziu.

Me logjikën tënde ajo u bë lavire 50 vjeç kur u divorcua politikisht nga ty ashtu si dhjetra të tjera.

Jo jo karakteri i femrës qoftë ajo Majlinda apo Rudina nuk ndryshon as 30, as 50 vjeç.

Mirë Majlinda ta paska bërë sherrin po Rudina që njihet për karakterin ëngjëllor dhe moral çfarë ndokoj në Washington dhe BE?

Fakti që ajo i rreshtua me aleatët ahekullor shqiptar SHBA dhe BE nuk janë përqafimet por fryma europiane që ti Sali Berisha nuk e ke dhe sot po e mbyll karierën atje ku e nise.

Ato janë femrat që zgjodhe ti të krenoheshe dikur dhe ti shtrëngoje fort kur kishe interes dhe doje ti përdorje imazhin apo hirin e tyre.

Vetëm ti duhet të heshtësh sepse ato janë “femrat e tua” dhe sebepi i sherrit nuk janë ato por ti.

Përqafimi i perëndimit është më i ngrohtë për femrat shqiptare, se kthetrat pa moral të Sali Berishës!

Me Kanun, në Malësi femra nuk sumohet, por pushteti të degradon ku mos kesh “as din dhe as iman”./ Tiranapost.al