• Shqip
  • English
  • E shtunë, 25 Maj 2019
  • Shqip
  • English
  • Aktualitet Të gjitha

    Faji i shqiptarëve? DASH bën zbulimin që nxjerr “bllof” Holandën


    Holanda konsiderohet si një vend të rëndësishëm tranziti për drogën e paligjshme. Në këtë përfundim del raporti i Departamentit Amerikan të Shtetit, duke theksuar se trafikantët e drogës, veçanërisht të kokainës, zgjedhin Portin e Roterdamit.

    “Holanda është një vend i rëndësishëm tranziti për drogën e paligjshme, sidomos kokainën që hyn në Portin e Roterdamit. Holanda gjithashtu mbetet një vendburim i rëndësishëm i drogave sintetike, kryesisht MDMA (ekstazi), e destinuar për tregje ndërkombëtare. Vëllimi i trafikimit të drogave sintetike përmes internetit në vend është rritur ndjeshëm.

    Një studim i policisë vlerësoi se të ardhurat totale të prodhimit të drogës sintetike në Holandë në vitin 2017 ishin afër 20 miliardë euro. Prodhuesit e drogës sintetike konsiderohen të jenë burim i llojeve të ndryshme të krimit, duke përfshirë korrupsionin e qeverisë lokale, veçanërisht në jug të Holandës. Qeveria prioritizoi luftën kundër grupeve të organizuara kriminale që merren me drogë”.

    Porti i Roterdamit është një qendër evropiane e importit për kokainë nga Amerika e Jugut. Në 2017 (viti më i fundit për të cilin të dhënat janë në dispozicion), autoritetet kapën 5.3 tonë kokainë në portin e Roterdamit. Megjithatë, për shkak të rritjes së përpjekjeve nga autoritetet, bandat holandeze të kontrabandës së drogës gjithnjë e më shumë po përdorin portin e Antverpit si një pikë-hyrjeje. Ka pasur incidente të mashtrimit dhe korrupsionit brenda autoritetit të portit dhe bizneseve të lidhura”, thotë raporti i DASH-it ndër të tjera./ Referuar TCH/ Tiranapost.al

    E vërteta e kriminalitetit shqiptar/ Statistikat e qeverisë së Holandës rrëzojnë deputetët