• Shqip
  • English
  • E enjte, 18 Korrik 2019
  • Shqip
  • English
  • Aktualitet Të gjitha

    Europol me zyrë edhe në Tiranë, Xhafaj: Një mundësi më shumë drejt negociatave


    Shqipëria bëhet vendi i parë në rajon ku Europol do të ketë një zyrë të tij. Finalizimi i kësaj pune të gjatë, është përshëndetur edhe nga ish-ministri i Brendshëm Fatmir Xhafaj, i cili e konsideron si një lajm tejet pozitiv.

    Përmes një postimi në rrjetin social Twitter, deputeti socialist vlerëson edhe negociatat intensive gjatë vitit të kaluar duke vënë theksin te një sërë operacionesh të përbashkëta.

    “Lajm shumë i mirë që sot u finalizua hapja e Zyrës Ndërlidhëse të Europol në Shqipëri, një proces i realizuar me sukses përmes negociatash intensive gjatë gjithë vitit të kaluar. Shoqëruar dhe me një sërë operacionesh të përbashkëta shumë të suksesshme, një pjesë e mirë e të cilave të inicuara në mënyrë proaktive nga vetë Policia e Shtetit”, shprehet Xhafaj.

    Ndërkohë, ish- ministri siguron se ky është një hap më shumë drejt çeljes së negociatave. /Tiranapost.al/