Europa s'duket më njësoj! Dikush mungon në këtë foto
Kryeministrja angleze e rraskapitur nga Brexit prej tre vitesh me një marrëveshje në dorë që kthehet sa nga Europa sa nga Parlamenti Britanik, nuk priti të bënte një foto pas samitit dy ditor, por u kthye drejt Londrës.
Kjo është fotoja që njihet ndryshe si fotoja familjare, liderët e BE mblidhen bashkë dhe në ngjarje e evente të rëndësishme zënë vendet dhe fotografi kap momentin.
Të gjithë duken të qeshur, por vendi i May-t duket bosh. Kjo gjë nuk u ka pëlqyer as vetë europianëve, me Macron dhe Tusk që bëjnë me shenjë tek vendi bosh, e ndërsa kryeministri nacionalist Victor Orban qëndron me kokën ulur.
May ndodhej në Bruksel duke kërkuar një shtyrje të Brexit deri më 30 qershor, e ndërsa Kancelarja Anglea Merkel tha se bashkë me May-n patën një takim intensiv por të suksesshëm. Kërkesa e May-t u reduktua nga 30 qershor në 22 maj, gjithmonë nëse deputetët anglezë votojnë marrëveshjen. Pritet që deputetët të votojnë për të tretën herë marrëveshjen e Brexit, që do mbahet javën e ardhshme. Nëse nuk votohet sërish, Anglia rrezikon të dalë nga BE pa marrëveshje, ose procesi mund të shtyhet shumë më gjatë, gjë që nuk është në favor të Anglisë.
Nga ana tjetër një peticion për mos dalje nga BE ka mbledhur 2 milion e 500 mijë nënshkrime të anglezëve. Nuk dihet se çfarë do ndodhë... / Artikulli nga Daily Mail/ Për Tiranapost.al. E.B
http://www.tiranapost.al/opsionet-e-reja-per-brexit-cfare-pritet-te-ndodhe/
Jean-Claude Juncker
Jean-Claude Juncker me presidentin francez Emmanuel Macron