• Shqip
  • English
  • E enjte, 22 Gusht 2019
  • Shqip
  • English
  • Aktualitet Shëndet Të gjitha

    Ekspertët japin këshilla pse nuk duhet të futesh në det menjëherë pas ushqimit


    Është folur shumë për faktin që pas ngrënies, nuk duhet hyrë menjëherë në ujë. Por sa duhet pritur saktësisht? Dhe pse është e rrezikshme?

    Ndonëse problemet nuk janë dhe aq të shpeshta, sipas autoriteteve italiane raportohen incidente vdekjeprurëse, të cilat janë pasojë e një bllokimi të aparatit tretës që shkakton vdekje edhe mes notarëve ekspertë.

    Bllokimi dixhestiv ndodh në rastin e një uljeje të befasishme të temperaturës së trupit, ( siç është rasti i hedhjes në pishinë apo det), e cila bën që të spostohet një sasi e madhe gjaku nga qendra e organizmit drejt periferisë për të riekuilibruar temperaturën e brendshme.

    Gjatë tretjes ndërkohë, pjesa dërrmuese e volumit të gjakut rrjedh drejt organeve të brendshme për të lehtësuar këtë proces dhe oksigjenimin e tyre dhe spostimi i menjëhershëm i gjakut mund të bllokojë tretjen.

    Në artikullin  e publikuar Agjensia Telegrafike shkruan se kur kjo është intensive, mund të shkaktojë gjendje të fikti e më tej, në raste ekstreme dhe mbytjen. Po atëherë, kur është koha më e mirë për tu hedhur në ujë pas ushqimit pa u rrezikuar?

    Përgjigja varet nga personi, por mbi të gjitha nga vakti i konsumuar. Në rastet kur ai është i bollshëm dhe me ushqime që treten me vështirësi, këshillohet të kalojnë dy apo tri orë përpara zhytjes. Ndërsa nëse konsumohet ndonjë frut, mund të pritet fare pak përpara hedhjes në ujë. /Tiranapost.al. E.B