Dua Lipa u shpall e veshura më bukur në “Brit Awards” dhe mjafton të shikoni fotot për ta aprovuar!
Ajo ka marrë katër nominime për “Brit Awards 2019”, një nga eventet më të rëndësishme të muzikës britanike.
23-vjeçarja Dua Lipa ka pushtuar të gjitha portalet ndërkombëtare, që e kanë vendosur këngëtaren me origjinë shqiptare në listën e personazheve të veshur më bukur.
Dua arriti të tërhiqte vëmendjen e të gjithëve me fustanin dyngjyrësh, të zi dhe ciklaminë. Por në fakt detaji që nuk mund të lihet pa komentuar është transparenca në pjesën e bustit, ku duket se mund të shohim asetet e këngëtares përtej dantellës.
Në pjesën e poshtme fustani i Christopher Kane vjen i fryrë, ndërsa Dua ka zgjedhur një makijazh sa më pranë natyrales.
“Independent” apo “Daily Mail” janë mes mediave ndërkombëtare që përgëzojnë përzgjedhjen e guximshme të këngëtares me origjinë shqiptare.
Deri më tani Dua është shpallur fituese e çmimit “Kënga më e mirë britanike” për bashkëpunimin e saj me Calvin Harris, “One Kiss”./ Tiranapost.al