Çfarë ndodh me trupin nëse fle me televizor ndezur?
Ata që flenë me televizor ndezur, kanë një rrezik më të madh ndaj obezitetit. Këtë ka treguar një studim i ri që flet kryesisht për gratë, të cilat nëse ekspozohen ndaj dritës artificiale gjatë natës kanë më shumë gjasa të shtonin peshë gjatë pesë viteve të ardhshme. Për të arritur këtë konkluzion u bë një studim me rreth 44 mijë njerëz. Zbulimet e publikuara në revistën Jama Internal Medicine, sugjerojnë se largimi i dritës nga ekrani i televizorit apo telefonit në dhomën e gjumit mund të jetë një mënyrë shtesë për të trajtuar problemin e peshës.
Studiuesit nga Instituti Kombëtar i Shkencave të Shëndetit Mjedisor në Amerikë morën në studim 43 mijë e 722 gra të moshës 35-74 vjeç, gjatë një periudhe prej të paktën 5 vitesh. Secila dha informacion mbi peshën, indeksin e masës trupore dhe çdo herë që fjetën me dritën e ekranit të televizorit ndezur.
Kështu u zbulua se ekspozimi ndaj dritës artificiale gjatë natë lidhej me rrezikun e rritjes së peshës dhe zhvillimit të obezitetit. Krahasuar me gratë që nuk flinin me dritë ndezur të televiziorit patën 17% më shumë gjasa ë shtonin 5 kile ose më shuam gjatë pesë viteve të ardhshme. Gjithashtu 22% më shumë gjasa për tu bërë obeze.
Sipas profesor Malcolm von Schantz nga Universiteti i Surrey thotë: Gjetjet nga ky studim kanë kuptim të përsosur biologjik. Ne e dimë se drita në mbrëmje vonë ndikon në orën e trupit tonë. E dimë që drita natën vonë ndikon në metabolizmin tonë. Ndaj ky studim duhet marrë për bazë që njerëzit të shmangin dritën sidomos atë elektronike në dhomën e gjumit./ Metro/ Tiranapost.al. E.B