Burri që e duam të gjitha
Që ai të konsiderohet “special” nuk do të thotë që të shpalosë një listë të gjatë cilësish dhe aftësish. Për të fituar zemrën e një gruaje duhet së pari të sillet në mënyrë të veçantë dhe nga fjalët ose më mirë nga premtimet (që më mirë do ishte të mos i bënte fare), të kalojë në veprime konkrete për të treguar dashurinë. Jo, jo, nuk e kemi fjalën që të blejë një koleksion të tërë Tiffany (ah, sikur!) apo të shkruajë “Të dua” në një çarçaf të madh, që e valëvit në ajër nga një avion! E kemi fjalën për ato veprimet e vogla dhe sjelljet që na bëjnë të ndihemi speciale dhe që kanë fuqinë që të mbajnë gjallë pasionin, shmangin konfliktet dhe e bëjnë të bukur jetën në çift. Për shembull…
1 – Të jep një të puthur ose një përqafim të ngrohtë tamam kur ti nuk e pret ose “të hidhet përsipër”, sepse i dukesh e parezistueshme.
2 –Të telefonon vetëm për të të thënë “Më ka marrë malli”, “Të dua”, dërgon një sms romantike në një ditë fare të zakonshme.
3 – Kujton detaje nga udhëtime, nga biseda të bëra para shumë vitesh, fjalë që ia ke thënë dikur dhe ishe e bindur që ai nuk do t’i mbante mend, duke të treguar se është shumë i vëmendshëm ndaj atyre që ti thua.
4 – Të sheh të lodhur dhe të thotë “Mos u mërzit, se i bëj unë të gjitha. “Vendos rregull në kuzhinë dhe bën pazarin dhe të lë ty të çlodhesh në divanin e sallonit.
5 – Bën gjithçka që ti të qeshësh kur je e mërzitur dhe ke kaluar një ditë aspak të bukur.
6 – Të ndihmon të vendosësh rregull në shtëpi dhe rregullon prizën e korridorit që është
prishur. Ose është i pari që merr përgjegjësitë në një situatë të ndërlikuar.
7 – Bën veprime prej xhentëlmeni: nuk të lë të ngresh sende të rënda dhe vjen gjithmonë të hap derën e makinës, janë gjeste të vogla, por kanë fuqinë të na bëjnë të ndihemi princesha të vërteta.
8 – Të jep kurajë dhe të nxit në arritjen e qëllimeve të tua, duke të treguar se ka shumë besim tek ty, ndonjëherë edhe më shumë sesa tek vetja e tij.
9 – Shqetësohet për sigurinë tënde dhe të thotë: “Më bëj një zile kur të arrish”.
10 –Bën diçka vetëm për të të bërë qejfin ty (për shembull të shoqëron në një koncert që atij nuk i intereson shumë) ose të llaston pak duke të sjellë mëngjesin në krevat.
11 – Në ndonjë rast të lë të kuptosh se është xheloz për ty.
12 – Të thotë “Je shumë e bukur” dhe të sheh me sy të ëmbël edhe pse ti je akoma me pizhama dhe sapo je zgjuar nga gjumi.
13 – Të llaston me të gjitha mënyrat duke të ndjekur teksa bën shopping për katër orë rresht (kjo vështirë se mund të ndodhë më shumë se një herë).
14 – Të lë të kuptosh se të dëshiron çmendurisht: me një vështrim, një shenjë, duke të thënë: “Këtë fundjavë nuk jemi për askënd tjetër”.
15 – Të tregon se të çmon për gjithçka që je, të vlerëson edhe për gjërat më të vogla që ti bën për të, duke të thënë “faleminderit” në shkëmbim të asgjëje.