Sipas një studimi të kryer në faqen betterbathrooms.com arsyet se përse zihen çiftet janë kotësirat. Me sa duket zënkat ndodhin zakonisht të enjten rreth ores 8 të mbrëmjes për rreth 10 minuta. Dhe janë pikërisht këto gërricjet e vogla të herëpashershmë që mund të të çojnë deri në ndarje. Por që mos e çosh punën deri aty, këtu ke një listë të dhjetë gjërave që gjysma jote e ëmbël nuk i duron dot. Po vazhdove më, vetëm i ëmbël që nuk do jetë.
– Turinjtë e varur për punët e shtëpisë
Problemet e lidhura me pastrimin, sidomos atë të kuzhinës, janë kënga e përhershme e parterëve. Ajo kërkon të dijë se përse nuk i ka pastruar njollat e vezës nëpër sobë e banak. Në këtë pikë burrat janë gati t’i hyjnë gjithë shtëpisë e ta bëjnë xixë, vetëm pusho!
– Dritat gjithmonë të ndezura
Ndoshta ngaqë përtojnë të ndërrojnë llampat aq shpesh, bashkëshortët e dashur i urrejnë të gjitha ditat e ndezura që rrinë kot, edhe pse në atë dhomë askush nuk po hyn prej orësh. Fike atë dreq dritë dhe do jesh rehat nga veshët.
– Qimet në pllakën e dushit
Burrat xhindosen kur uji grumbullohet në pllakën e dushit sepse pileta është zënë për të disatën herë nga flokët e saj të gjatë.
– Rrëmuja nëpër shtëpi
Pirgje me rroba, këpucë nëpër parket, që po i shkele rrezikon të thyesh qafën, enë të palara, rroba të papalosura. Bësojeni ose jo por shumica e burrave janë maniakë pas rregullit dhe pastërtisë. Një partnere e çrregullt i acaron.
– Mbeturinat e pahedhura
Kur kapaku i koshit nuk mbyllet sepse është plot, e çon durimin e tyre deri në limit. Patjetër që ai mund t’i kishte derdhur kur doli në mëngjes nga shtëpia, por duhet t’ia bësh gati te dera. Epo, ç’t’iu bësh!
– Shamitë dhe tamponët që pastron makijazhin
Sidomos shamitë në divan dhe tamponët me rimel e buzëkuq mbi lavaman. Më mirë hiqi sa je në kohë sesa të dëgjosh gjysëm orë grindje.
– Filxhanët nëpër shtëpi
Filxanë, gota, tavlla mbi tavolinë apo mbi skrivaninë e studios nuk shihen me sy dhe aq të mira nga bashkëshortët tanë të dashur.
– Një zapping i egër
Ai duhet të jetë mbreti i telekomandës. Kurrë mos ia merr këtë mjet pushteti, se i ikën truri. Pale pastaj kur i kalon kanalet shpejt e shpejt, pa u ndalur pak “sa të shohim ç’bëhet”. Më mirë lëshoja në dorë dhe ik.
– Telenovelat
Edhe pse shumë herë ata e privatizojnë televizorin duke parë orë e orë të tëra futboll, kur ajo sheh telenovela ata bëhen xhind. Ata nuk mund të rrinë as edhe një minutë duke parë serialin e preferuar të gruas së tyre të dashur.