Arlinda Dudaj: Jam shumë e shqetësuar për rënien e lexuesve
E Mërkurë 3 Tetor 2018, 22:24
TiranaPost
Paneli i të ftuarve në emisionin e sotëm të Opinion po diskuton rreth studimit më fundit, sipas të cilit rreth 1 milion
shqiptarë nuk kanë lexuar asnjë libër.
E ftuar në studio, botuesja Arlinda Dudaj ka shprehur shqetësimin për rënien e ndjeshme të shitjeve të librave artistikë gjatë këtij viti.
“Unë këtë vit jam shumë e shqetësuar. Më e trishtuar se kurrë. Ka një rënie të numrit të shitjeve të librave. Edhe kolegët e mi e kanë këtë shqetësim.
Ka pasur një rënie të jashtëzakonshme, e ndjej jo vetëm te shifrat, por edhe te diskutimet. E shikoj që njerëzit janë aut”, është shprehur Dudaj.
Ajo gjithashtu sugjeroi se personazhet e njohur duhet të postojnë më shumë libra dhe tituj të tillë në rrjetet sociale.