Politikë Te gjitha

Ambasadori Soreca takon kreun e KED: Mbështetje e fortë nga BE!


Esencë editori/ Ambasadori i BE në vendin tonë, Luigi Soreca ka zhvilluar një takim me kreun e KED, Adrian Dvorani. Përmes një postimi në Twitter, Soreca shkruan se BE e mbështet punën e rëndësishme të KED-së.

“Sot takova Ardian #Dvorani, Kryetar i Këshillit të Emërimit të Drejtësisë. #BE mbështet plotësisht punën e rëndësishme të Këshillit. Mbështetja teknike dhe administrative është e nevojshme për Këshillin që të kryejë detyrat e tij të rëndësishme”, thotë Soreca.

Ambasadori vijon më tej: “Tani që fillon vlerësimi dhe renditja e kandidatëve për Gjykatën Kushtetuese dhe Inspektorin e Lartë të Drejtësisë, është e rëndësishme që zbatimi i rregullave të brendshme të bëhet në një mënyrë që ruan pavarësinë e anëtarëve të Këshillit”. /Tiranapost.al/