Manchester United ka komplikuar që në start një tjetër sezon dhe tashmë drejtuesit janë tërësisht të pakënaqur edhe me punën e bërë nga norvegjezi Ole Gunnar Solskjaer, duke vënë pikëpyetje mbi të ardhmen e këtij të fundit.
Sipas tabloidit anglez “Daily Mail”, drejtuesit e “djajve të kuq po planifikojnë t’i besojnë pankinën ish trajnerit të Juventusit, Massimiliano Allegri, ndërsa bashkë me të në Manchester pritet të rikthehet edhe ish mbrojtësi i United, Patrice Evra.
Allegri dhe francezi janë miq të mirë me njëri-tjetrin dhe duket se trajneri italian ka zgjedhur pikërisht Evranë si shoqërues në aventurën angleze, duke qenë se ky i fundit ka qenë pjesë e Manchester United për disa sezone dhe e njeh mirë ambientin atje.
Përveç tyre, në Manchester pritet të transferohet në janar edhe një tjetër mik i dy të parëve, sulmuesi kroat Mario Mandzukiç, i cili ka mbetur jashtë skuadrës së Juves dhe po punohet që t’u bashkohet “djajve të kuq”./XH.K