• Shqip
  • English
  • E mërkurë, 19 Qershor 2019
  • Shqip
  • English
  • Politikë Të gjitha

    Aksi i lënë në harresë prej vitesh, Rama: Kemi gati kontratën për rrugën e Torovicës


    Esencë editori/ Kryeministri Edi Rama i siguroi banorët e Lezhës se rruga e re e Torovicës nis së shpejti, dhe ky aks i lënë në harresë prej vitesh do të bëhet sipas standardeve më të mira.

    Në takimin publik që zhvilloi sot në Lezhë, në kuadër të ciklit kombëtar “Bashkia që duam”, Rama tha se projekti për rrugën e Torovicës është gati.

    “Së shpejti nënshkruajmë kontratën dhe kjo rrugë aq shumë e kërkuar nga ju, do të bëhet realitet. Me investimin që do të ndërmarrim, banorët e kësaj zone nuk do të ndihen më të braktisur”, u shpreh Kryeministri Rama, ndërsa solli në vëmendje se ky investim është një premtim i mbajtur.

    “Gjatë takimit elektoral me banorë të kësaj zone para dy viteve, me banorët të cilët e kishin bërë kapërcimin përtej të majtës tek e djathta, më thanë do e bësh apo jo rrugën e Torovicës dhe përgjigja ime ishte po. Megjithatë, ideja është besoni e kontrolloni, por faktikisht rruga do të fillojë për pak ditë”, tha ai. /Tiranapost.al/