Lifestyle Showbiz Te gjitha

95,000 dollarë për qëndrimin e Melania Trump në hotelin ku as nuk kaloi natën


Të dhënat për shpenzimet  federale flasin se Departamenti Amerikan i Shtetit ka paguar 95.000 dollarë gjatë qëndrimit të Melanie Trump në hotelin Semiramis Intercontinental në Kajro.

Por në kundërshtim me atë që përmban fatura, zëdhënësja e Melanie, Stephanie Grisham, konfirmoi për People se Zonja e Parë ka qëndruar vetëm 6 orë në hotel dhe nuk e ka kaluar  aty natën, ndaj dhe nuk e kupton nga e ka nxjerrë këtë shifër zyra e shpenzimeve federale.

Foto nga People

Sipas faqes së Semiramis Intercontinental Cairo në website, dhomat në hotelin luksoz shkojnë nga 119 në 699 dollarë në natë, por të dhënat për shpenzimet nuk janë të detajuara duke e bërë të paqartë se ku konsistonin konkretisht pagesat.

Megjithatë, kjo nuk është hera e parë që një shëtitje e Trump u ka kushtuar taksapaguesve mijëra dollarë.

Vizita e Trump në Skoci, në korrik u përmbyll me një faturë prej 68.800 dollarësh që solli edhe mjaft reagime sipas gazetës ‘Scotsman’ .

*Ky shkrim u përshtat nga www.people.com dhe u realizua nga Mia Buci.