• Shqip
  • English
  • E hënë, 18 Nëntor 2019
  • Shqip
  • English
  • Aktualitet Të gjitha

    613 kile kokainë në kontenierët me banane/ Shtyhet sërish gjyqi për Arbër Çekaj


    Nisi me vonesë dhe më pas u njoftua për shtyrjen e seancës për Arbër Çekaj, biznesmenin që akuzohet për trafikun e 613 kilogramë drogë të llojit kokainë nga Ekuadori në Durrës. Seanca e gjyqit u shty për në datën 20 nëntor të orës 10 të mëngjesit, për shkak se mbrojtësit e Donald Lushaj, i dyshuar si ish vartës i tij nuk u paraqitën në seancë, po ashtu edhe avokati Maks Haxhia.

    Në seancë ne parë që u shty për ditën e sotme, u raportua se avokati Maks Haxhia ndodhej në spital, dhe Çekaj nuk pranoi të vijonte seanca pa praninë e tij apo zgjedhjen e një avokati tjetër. E duket se problemi i tij shëndetësor vazhdon.

    Arbër Çekaj u arrestua që në shkurt të 2018-s pas dyshimeve në trafikimin e 614 kg kokainë nga Kolumbia, që u kap në Portin e Durrësit. Droga ishte fshehur në kontenierë, ndërsa Çekaj dyshohet se përdorte emrin e kompanisë së tij të importit të frutave për të fshehur transportin e drogës.

    Ai u arratis nga Shqipëria duke ndërruar mbiemrin nga Arbër Çekaj në Arbër Jansen. Por në shkurt të vitit 2018, u kap në flagrancë nga policia gjermane në një banesë dykatëshe. Ai u ekstradua këtë vit në Shqipëri./ Tiranapost.al. E.B

    Pritet të nisë nesër gjyqi ndaj Arber Çekaj, për 613 kg kokainë në arkat me banane

    Për t’u bërë pjesë e grupit "TiranaPost" mjafton të klikoni: Join Group dhe kërkesa do t’ju aprovohet menjëherë. Grupi Tirana Post