6 orë në polici për Noizy-n, nuk iu bind uniformave blu
Shoqërohet në polici këngëtari i njohur Noizy dhe kalon disa orë të mira në komisariatin e Durrësit. Rigels Rajku 30 vjeç, banues në Durrës i cili njihet me emrin e artit Noizy ishte duke drejtuar mjetin tip Benz me targa AA 517 MT, në segmentin rrugor Ura e Dajlanit-Plepa, por është ndaluar nga Efektivet e Qarkullimit Rrugor. Emri njohur është “vënë në pranga”, ose më saktë është shoqëruar në policinë e Durrësit dje, sepse nuk i është bindur rrugorëve të këtij qyteti. Por jo vetëm kaq. Ai është munduar të largohet me shpetësi, për t’i shpëtuar shoqërimit nga ana e policisë. Sipas njoftimit të policisë, këngëtari është ndalur sepse mjeti që ai drejtonte kishte një sërë gjobash të papaguara, por edhe sepse ka kundërshtruar urdhrat e uniformave blu. Shkurt një natë në qeli për reperin shqiptar. Këngëtari kështu bëhet prapë protagonist i lajmeve të kronikës. Këtë radhë ai ka qenë duke udhëtuar me makinën e tij, kur është ndaluar nga efektivët e rrugores. Policët i kanë kërkuar dokumentet dhe lejen e drejtimit, por Noizy u ka thënë se nuk e kishte me vete patentën, pasi e kishte lënë në banesë. Policia ka bërë verifikimin e targës dhe ka rezultuar se ai kishte shumë gjoba të pashlyera. Për këtë policia i ka komunikuar shoqërimin në komisariat. Këngëtari ka kundërshtuar dhe në një moment i ka dhënë gaz makinës dhe ia ka mbathur me shpejtësi. Policia i është vënë në ndjekje dhe ka mundur ta ndalojë, si dhe e ka shoqëruar në polici dhe e ka mbajtur aty derisa këngëtarit i kanë sjellë patentën dhe ka paguar gjithë detyrimet e gjobave. Pas kryerjes së veprimeve procedurale materialet i kaluan Prokurorisë së Rrethit Gjyqësor Durrës për veprime të mëtejshme për veprën penale "Mosbindja ndaj urdhërit të punonjësit të policisë së rendit publik", parashikuar në nenin 242 të Kodit Penal.