Do të qetësohesh, të karikohesh me energji, të mbushësh mushkëritë me ajër? Hidhi një sy këtyre aromave
Për t’u ndier seksi nuhat kanellë
Aroma e saj provokon një qark të shkurtër në tru, që mund të të kujtojë një takim shumë të nxehtë (jo rastësisht shumë parfume kanë në përmbajtjen e tyre kanellë). Kështu je gati për një darkë me drita të kuqe.
Për t’u ndier e lumtur nuhat bluzën e tij
Sipas disa studimeve, aroma e djersës mashkullore shkakton tek partnerja e tij një efekt qetësues. E shpifur? Jo, nëse bëhet fjalë për dashurinë tënde, aroma e të cilit të elektrizon. Falë një mekanizmi të quajtur “comfort smelling”, sapo të nuhatësh bluzën që ai ka zhveshur, do të ndihesh menjëherë e lumtur.
Për t’u ndier e shoqërueshme nuhat një buqetë lulesh
Aromat e luleve stimulojnë veprimtarinë sociale. Lulet kujtojnë momente feste, prandaj truri reagon duke të të bërë më të hapur ndaj botës. Je e ftuar në një festë? Ço dhuratë një buqetë me lule.
Për t’u ndier optimiste nuhat një krem solar
Aromat përpunohen në sistemin tonë limbic, qendra e emocionale e trurit, që depoziton edhe kujtimet. Ja pse kujtimet e lidhura me verën të sjellin menjëherë emocione pozitive që mund të kesh përjetuar në det. Një bateri për humorin.
Për t’u ndier efiçente nuhat rozmarinë
Sipas një prej studimeve më të fundit, rozmarina përmirëson kujtesën falë një përbërësi aromatik që vepron në funksionalitetin njohës. Mjafton një nuhatje për të fuqizuar aftësitë e tua nëpërmjet qarkullimit të gjakut.
Për t’u ndier e qetë nuhat një mollë (ose kastravec)
Është vërtetuar se aromat e freskëta kanë një efekt qetësues dhe të ndihmojnë që të ndihesh më i sigurt. Molla dhe kastraveci janë edhe ushqime shumë të shëndetshme.