• Shqip
  • English
  • E diel, 18 Gusht 2019
  • Shqip
  • English
  • Botë Të gjitha

    350 vdekje në masakrën e Srebrenicës, paqeruajtësit holandezë shpallen pjesërisht përgjegjës


    Holanda është shpallur pjesërisht fajtore për 350 vdekje në masakrën e Srebrenicës në Bosnje e Hercegovinë, në korrik të vitit 1995.
    Në arsyetimin e saj Gjykata ka thënë se shteti kishte përgjegjësinë 10 për qind, pasi kjo ishte shkalla e mundësisë, që ushtarët holandezë, mund të kishin parandaluar vrasjet.

    “Nëse forcat holandeze u dhanë mundësi këtyre burrave të qëndrojnë aty, ka pasur vetëm 10 për qind mundësi që ata të mos bien në duart e forcave serbe, dhe për këtë arsye shteti holandez duhet të jetë përgjegjës vetëm për atë pjesë të dëmit”.

    Një gjykatë e apelit kishte caktuar përgjegjësinë më herët në 30 për qind, por vendimi i Gjykatës Supreme ka ulur në mënyrë drastike këtë shifër. Forcat serbe të Bosnjës vranë rreth 8.000 burra myslimanë në qytetin e Srebrenicës më 1995. Holandezët po ruanin një zonë të sigurisë të OKB-së, kur ndodhi ngjarja.

    Është e rrallë për një shtet që të mbahet përgjegjës për dështimet në punën paqeruajtëse të OKB-së. Në vitin 2002, një raport për rolin e Holandës në Srebrenicë bëri që e gjithë qeveria holandeze të japë dorëheqjen. /Referuar VOA/ Tiranapost.al/