Ngjarja e muajit tetor të vitit të kaluar ku Kim Kardashian iu grabitën bizhu me vlerë miliona euro duket se është e vërtetë përpos lajmeve që e përgënjeshtronin.
Kjo pasi policia franceze ka arrestuar 16 persona për vjedhjen e bizhuterive të Kim Kardashian në shtëpinë e saj në Paris.
Policia ka deklaruar se arrestimet janë bërë pas zbulimit nga ADN-ja të gjurmëve të gjendura në stolitë e vjedhura .
Ylli i Keep With the Kardashian, 36-vjeç dhe bashkëshortja e Kanye West është grabitur me rreth 9 milionë euro bizhuteri nga njerëz të maskuar që hynë në banesën e saj në Paris në datën 3 tetor.
Ka raporte të këtij mëngjesi të publikuar në Daily Mail ku thuhet se 16 persona u arrestuan dhe do të merren në pyetje.
Websiti francez BFMTV ka raportuar se autorët e vjedhjes ishin maskuar si policë dhe më pas janë larguar nga vendi ngjarjes duke tronditur thellë Kimin e cila nuk doli në publik pothuajse për gjithë pjesën e mbetur të vitit të kaluar duke thënë se ndihet e frikësuar dhe e ngarkuar emocionalisht. Ka qenë një periudhë e vështirë për Kim dhe jo vetëm për vjedhjen e bizhuterive të saj por edhe për gjendjen shëndetësore të burrit të saj, Kannye West.
Megjithatë, prokurori në Paris nuk ka bërë ndonjë koment më të gjërësishëm.